Saturday, October 3, 2020

രാഷ്ട്രീയം

ആനവണ്ടി തൻ പച്ച സീറ്റിനടിയിൽ 
ഒളിപ്പിച്ചു വച്ചൊരു വടിവാളുമോങ്ങി എന്നഗ്രജനൊരു വെളിച്ചപ്പാട് പോൽ ഓടിയതായിരുന്നെന്‍റെ രാഷ്ട്രീയം

ഓടുന്ന തീവണ്ടി തൻ ഏതോ
ബോഗിയിൽ തിരഞ്ഞു നീയന്നേതോ 
ഒരു തല തല്ലിപ്പൊളിച്ചതായിരുന്നെന്‍റെ രാഷ്ട്രീയം

ഇല്ലാത്ത ക്ലാസുകൾ ഇല്ലെന്നു
ചൊല്ലിയാ ജാഥ തന്നറ്റത്ത് നീ
കൊടികൾ പിടിച്ചു കൈ ജയ്കൾ 
വിളിച്ചതായിരുന്നെന്റെ രാഷ്ട്രീയം

ചുവപ്പും നീലയും കൊടികൾ തൻ
യുദ്ധത്തിനവസാനം വെള്ള പുതപ്പിച്ചു
കിടത്തിയൊരെൻ ജീവനാം ജ്യേഷ്ഠനെ കണ്ട നാൾ അവസാനിച്ചതാണെന്‍റെ രാഷ്ട്രീയം!!








No comments:

Post a Comment

ഹൃദയത്തിൻ്റെ നിറം

നിന്നോളമെത്താത്തോരായിരം വാക്കാലിന്നെന്റെ നെഞ്ചകം വിങ്ങവേ നിന്നോളമെത്താത്തോരായിരം നോക്കാലിന്നെന്റെ കണ്ണുകൾ പൊള്ളവേ മിഴിയിണകളിലെയീറൻ തുവർത്താത...